Enlace para o texto íntegro da nota de prensa
NOTA DE PRENSA
PROBLEMAS DE LIMPEZA E DE MALOS OLORES NO COLEXIO DE OUTEIRO DE REI
O BNG de Outeiro de Rei quere
denunciar publicamente as condicións de
limpeza, que xa derivan en problemas hixiénicos, existente no colexio “Laverde Ruíz” de Outeiro de Rei. Dende
fai xa meses vénse arrastrando esta situación de falta de limpeza e de malos olores neste colexio, sen que
nin o Alcalde de Outeiro de Rei nin a Inspección Educativa sexan capaces de
solucionalo.
A ANPA deste colexio xa se puxo en contacto por escrito co Concello
de Outeiro o pasado 14 de outubro, non sendo este capaz de solucionar o
problema a día de hoxe e provocando unha auténtica situación que pode derivar
incluso nun problema de saúde pública. É máis, de non solucionarse a situación nos
próximos días, dende o BNG recorreremos ao departamento de sanidade para que
tome cartas no asunto.
No Pleno Municipal celebrado en
febreiro, o Alcalde, a instancia dunha
pregunta feita polo BNG, asegurou que o problema estaría resolto no mes de
marzo, cuestión que como pode verse estes días resultou ser completamente falsa. Tamén cómpre destacar que
a solución atopada polo Alcalde foi a de privatizar o servizo de limpeza do
colexio, a pesares de ter contratada xa unha persoa a tempo completo para este
traballo e ser o concello con máis persoal
contratado por habitante de toda a comarca.
Tamén é de destacar que a Xefatura Territorial de Lugo non fixo
absolutamente nada neste asunto a pesares da entrevista mantida pola ANPA co
Inspector do centro fai xa case dous meses, entrevista e denuncia que
polo que se ve tampouco serviu para nada.
Dende o BNG instamos ao concello
de Outeiro de Rei e á Xefatura Territorial da Consellería de Educación de Lugo
a que actúen de xeito urxente sobre este problema e, de non facelo, que faga un estudo sanitario para saber
se os nenos e nenas pode seguir a asistir ás clases sen ningún risco e
deste xeito poidan estar con tranquilidade os seus pais e nais.
En Outeiro de Rei, a 16 de abril de 2015
