O concello de Outeiro de Rei aplica un “taxazo” aos seus
veciños e veciñas
O concello de Outeiro de Rei é único na comarca na forma de
cobrar impostos, taxas e prezos por algún servizos públicos.
O concello de Outeiro de Rei é sen dúbida o concello cos
impostos máis altos de toda a comarca, con IBIs totalmente desorbitados e sen
ter en conta a natureza ou condicións das persoas que viven nesas casas ou
cunha taxa de enganche da auga que asusta a calquera persoa que chegue de novo
ao concello, superando moi amplamente os 1.200€ por engancharse á traída
pública da auga.
Calquera persoa “normal” podería pensar que pagar estes
elevados impostos podería levar consigo ter uns servizos municipais modélicos
e, loxicamente, totalmente gratuítos, pois estes servizos xa se pagan
previamente en forma de impostos.
Nada máis lonxe da realidade. Non só estamos nun concello
onde non hai, por exemplo, un centro de DIA para persoas maiores, senón que
calquera certificación que se pida no concello temos que pagar a correspondente
taxa por ela, cuestión que non pasa en ningún concello do contorno, como son, por
exemplo, os concellos de Begonte ou Lugo ou mesmamente na Deputación. Estamos a falar do que coloquialmente se chama "repago".
Por exemplo, pedir un certificado de empadroamento en
Outeiro custa 3 €, prezo que non teríamos que pagar se o pedíramos en Begonte
ou en Lugo. O mesmo ocorre cun certificado de signos externos, que en Outeiro
ten unha taxa asociada e na Deputación é totalmente gratuíto.
A única explicación que ten todo isto é a inmenso burato que
o Alcalde está a provocar nas finanzas do concello coa súa política de
contratación de persoal, onde o número de persoal contratadas no concello non
se corresponde co tipo de concello ou cos servizos que o concello xestiona
directamente.
