O
BNG LEVARÁ AO PLENO A PROPOSTA DE SOLICITAR A FOMENTO QUE ELIMINE AS VÍAS DE SERVIZO NA VILA DE
OUTEIRO DE REI
Cambiar
o planeamento urbanístico por parte do Concello e a aceptación por Fomento da
declaración de travesía urbana é o camiño a seguir
Facer
isto, sen custe para o concello, eliminaría o problema creado polo Alcalde coa
Proposta de Delimitación Polígonos Urbanos na vila
O BNG presentou no concello unha moción encamiñada a que o Pleno do
Concello de Outeiro de Rei tome a decisión unánime de solicitar ao Ministerio
de Fomento que elimine as vías de servizo previstas e, ao mesmo tempo, que
acepte a solicitude do propio Pleno de Outeiro de Rei para declarar a travesía
urbana da vila de Outeiro de Rei. Loxicamente, isto tería que ir acompañado do
cambio por parte do Concello do planeamento urbanístico da vila.
Con estas medidas, lograríase que todos os problemas creados polo Alcalde
coa proposta de Delimitación de Polígonos Urbanos que publicou o pasado ano
quedaran resoltos e, ademais, que a vila de Outeiro tivera o mesmo tratamento
que as outras vilas polas que pasa a Nacional VI, é dicir, cunha estrada, cun
aparcamento e unhas beira rúas “normais”, sen necesidade de expropiarlles un bo
bocado ás fincas do carón e sen que os seus propietarios tivesen que pagar uns
cartos que en moitos casos non teñen ou que non os valen as propias parcelas.
A proposta está nas mans do Alcalde. Agora a esperar a decisión que toma.
Enlace á copia da moción presentada
Enlace á copia da moción presentada
