O ALCALDE,
SEÑOR PARDO, NÉGASE A ADICAR O DÍA 24 DE FEBREIRO A ROSALÍA DE CASTRO.
Nun pleno celebrado en febreiro de 2012, o portavoz do
Bloque Nacionalista Galego no concello de Outeiro, Arcadio Lombao, propuxera á corporación municipal
adicar o día 24 do citado mes á escritora e poeta galega Rosalía de Castro.
Entre outras cuestións, o concelleiro do BNG apuntara
que é a escritora máis representativa da lingua e literatura galegas. O seu
libro Cantares Gallegos foi o primeiro
libro escrito íntegramente no noso idioma e desde a vontade firme e inequívoca
o seu significado sinala o inicio da restauración do uso escrito do galego e o
final do seu silencio e esquecemento.
O señor Pardo, alcalde e portavoz do PP, manifestara
non compartir a proposta do concelleiro nacionalista e anunciara o voto en contra
do seu grupo xustificado co curioso argumento de que "a mencionada Rosalía de
Castro non posuía vinculación co concello de Outeiro de Rei". Segundo o alcalde,
"puidera darse o caso de existir persoeiros “igual de relevantes”, vinculados
ao concello, aos cales non se lles tiña adicado ningún día e daquela, votando a
favor, crearíase una gravísima situación de inxustiza".
Ver para crer!
