O BNG intentou que o
concello facilitara a retirada das árbores secas e caídas nos leitos dos ríos
do concello
Estas árbores podían ser aproveitadas polos veciños e veciñas para leña
Unha vez máis o Alcalde
négase a aprobar unha reiterada demanda da xente de Outeiro
No pleno do mes de outubro, o BNG propuxo que o concello xestionase os
permisos para a retirada das árbores secas e deitadas que tanto abundan nos
ríos do concello e que ademais están a causar un grave prexuízo tanto para as
fincas limítrofes como para o propio río.
Tratábase simplemente de que o Concello levara a cabo os trámites
necesarios nas dúas ou tres administración distintas con competencias nesta
materia e así xestionara os permisos necesarios para que, unha vez concedidos,
puidera este permitir aos veciños que o solicitaran retirar estas árbores e
poder así aproveitalas para leña, tal e como se leva dende tempos inmemoriais.
Deste xeito conseguiríase un dobre obxectivo: por unha banda os veciños e
ceciñas poderían aproveitar estas árbores para leña, aforrando o combustíbel
que tan caro resulta e o cal xa moita xente non pode comprar e, por outra
banda, tamén se retirarían estas árbores do río, arbores que tanto dano están a
facer tanto no campo de saúde do río como no meramente estético.
Nunha segunda etapa, tamén se proporía que o propio concello xestionara a
retirara aquelas árbores que quedaran, ben chegando a acordos con outras
administracións ou ben retirándoas directamente. A propia leña podería cubrir
unha boa parte dos gastos levándoas ás plantas de coxeneración que existen na
comarca.
